一朝早，我同老公同埋老爺奶奶o係附近o既茶樓飲早茶，跟住就楂車入大埔探老公女麻女麻，不過佢患左老人癡呆症，已經唔認得人架啦，咁我地睇左佢一陣就走左。跟住老爺話想去尖沙咀文化中心睇個博物館展覽，咁老公又楂車去尖沙咀啦，泊完車之後，竟然o係停車場o既lift入面撞到老公表姐表弟，哈哈！竟然咁都會遇到，我地就一齊去左壽司亭食晏啦。食完飯，我地就去左文化中心睇一陣野啦。

因為仲有下場，我地行左好短時間就要走啦。因為我尋日親手整左個藍莓芝士蛋糕，要返屋企囉俾媽咪呀！返屯門囉左蛋糕，休息一陣，又要再出發啦！首先係去美孚，俾左個蛋糕俾媽咪同埋擺入雪櫃先，跟住又再出尖沙咀，去新港中心o既儂京川滬菜館。

我尋日下晝至book檯o既，好彩又俾我book到喎，不過要食頭輪6:30，唔緊要啦，食完返去再食蛋糕... hehe... 不過最嬲就係我地準時6:30去到，但係要7:15至入得去喎，我地嘈左好耐，點解個個入哂去都未輪到我地，真係爭o的想去隔離間餐廳食就算啦。好彩個經理都識do，我覺得佢係臨時加開一張檯囉，仲送幾隻細壽包俾我地補返數。o的野食又幾好食喎，我地叫左鎮江肴肉、毛豆雪菜百頁、石頭窩蔥爆羊肉(正!)、醬茶鴨同埋石頭窩炒鱔糊飯。埋單$450。

食完就行下新港中心，成個商場都好少人，都唔知點為本，行完我地就返屋企食蛋糕，媽咪話好似酒店買o個o的咁好食呀，哈哈！

加返張藍莓芝士蛋糕o既相先...