問老公囉左張memory card，等我擺o的相上黎，吊下你地癮先... (閱讀全文)

知道老公星期日7:05am會到達香港機場，咁我就校左鬧鐘5:00am起身，5:20am出門口去搭機場巴士。我6:45am去到機場，見到個牌寫住o個班機o既預計到達時間係6:43am，即刻拿拿臨走去B閘口啦，點知行到過去佢又轉左6:54am，激死！等呀等... 等到7:40am先至見到老公呀，然後我地同佢一位同事搭的士返屯門，話公司有得claim返喎，好舒服，不過又有o的掃興覺得佢同事阻住哂... hehe...
 (閱讀全文)

今朝一起身就幫老公熨定哂7件恤衫同埋幾條褲，搞掂之後就出去同老爺奶奶飲茶，奶奶講起清明節去拜山，因為老公要去法蘭克福公幹，所以我就要代佢去拜山喎。 (閱讀全文)

尋日放工後o係公司同Katherine傾左一陣電話至走，拿拿臨走去買送，唔知係咪以前睇得多食譜，依家學識左唔駛睇都大約諗到整乜野送同埋點整，好開心呀！ (閱讀全文)

尋日一放工就準時走，趕住要去中環o既「百年找換店」幫老公唱歐羅，佢下星期要去德國公幹一星期呢... 唱完錢就行出一條街就有962X直接返到屯門啦，真係好。返到屯門都只係6:30，仲趕得切買送，買完送就返屋企整啦。
 (閱讀全文)

星期六朝早返工又係無無聊聊咁過左一朝，放左工本來諗住同老公食個lunch，不過佢趕住要去觀禮，所以我就只係去旺角送佢去搭車，跟住我就去左「大家食」食左個鹵牛肉手攪麵加一杯熱豆漿，埋單$20。食完麵我又去西洋菜街逛樓上書店，去左尚書房 & 樂文書店睇書，睇左兩個鐘左右，老公就話觀完禮啦。我地約左o係旺角火車站等，跟住搭火車去沙田，老公仲未食晏，我地就去左沙田火車站上面o既連城廣場，搵左間Stage Cafe食Tea，老公叫左個冬蔭功海鮮烏冬，我就叫個公司三文治，兩樣都好好味呀，又好抵，包埋野飲都只係$22咋！值得推介！
 (閱讀全文)

好開心聽到老公話今日想帶飯返公司食，我呢餐煮左好多送呀！ (閱讀全文)

尋日book左去睇遲醫師，本來去睇佢應該係去調理身體o既，但係我o的感冒仲未好得哂呀，醫師話我呢o的係濕o既感冒喎，其實都唔係好明，不過醫師話食完佢呢5濟藥就會好返，希望真係咁啦！ (閱讀全文)

尋日一放工又去灣仔間大快活搵Brian抽隻新股「中國建材」，今次我早佢少少到，去到俾左我老公o的我填自己份form，Brian幫我填老工o個份，不過最失策o既係我唔記得帶cheque呀，今日12:00就deadline架啦，好彩今朝一早o係MTR補返俾佢。

尋晚香港寬頻個師傅上黎我屋企安裝上網 & 電視，見佢好後生，廿零歲架咋。我老公仲未返屋企，都有少少驚驚地，唯有開大度門，有咩事可以大嗌呀嘛。見佢o係屋企出面整個盒都整左半個鐘，不過我無理佢呀，繼續睇我睇緊o既「鐵血保鏢」。

 (閱讀全文)

我尋晚整左椒鹽雞軟骨、麵豉醬蒸倉魚、蒜蓉瑤柱豆苗同埋煎鍋貼。 (閱讀全文)